Ramalan Jayabaya - 1.

Kitab Musarar inganggit duk Sang Prabu Jayabaya
Ing Kediri kedhatone
Ratu agagah prakosa tan ana kang malanga
Parang muka samya teluk pan sami ajrih sedaya

Milane sinungan sakti
Bathara Wisnu punika anitis ana ing kene
Ing Sang Prabu Jayabaya
Nalikane mangkana pan jumeneng Ratu Agung
Abala para Narendra

Wusnya mangkana winarni
Lami-lami apeputra jalu apekik putrane
Apanta sampun diwasa ingadekan raja
Pagedhongan tanahipun langkung arja kang nagara.